إيه أحسن رقم ؟

 

من أكتر المسلسلات اللى بحبها جدا هو مسلسل The big bang Theory ، فى حلقة شيلدون سأل عن إيه أحسن رقم ؟ 

- الصراحة - سؤال يدعو للتفكير فى ساعة عصارى ، بس الحمد لله أن شيلدون جاوب على السؤال بدل الفرهدة ، وأن أحسن رقم هو 73 :D  

بس ليه ؟!!

-  ال 73 عدد أولى و ال Mirror ل 73 هو 37 ، واللى هو برضه عدد أولى 

 

-  ال Index ال 73 فى الأعداد الاولية هو 21 ، و الindex  بتاع ال 37 هو 12 ، فتلاقى أن ال indexes بتاعت الرقمين كمان Mirror لبعض اللى هما 12 و 2

 

-  ال index ال 73 هو 21...واللى هو حاصل ضرب 3 * 7 

 

-  فى نظام ال binary هتلاقى أن ال 73 عبارة عن palindrome بمعنى أنه بيكتب (1001001)  والعكس بتاعه نفس الرقم اللى هو  (1001001) 

فعلشان كده ده أحسن رقم لانه هو الرقم الوحيد اللى بيحقق الخصائص دى واللى أتسمى بعد كده ب "The Sheldon Prime Number" طبقا ل Paper أتنشرت سنة 2019 تحت أسم ""Proof of the Sheldon Conjecture واللى تم إثبات فيها الكلام ده

أقولك على حاجات أحلى كمان: 

- شيلدون علشان كده فى حلقات كتير فى أول أجزاء كان بيلبس تى شرتات عليها رقم 73

- الكلام ده أتقال فى بداية الحلقة رقم 73 واللى هى الحلقة العاشرة – الجزء الرابع

-  شيلدون كوبر (جيم بارسونس) أتولد أصلا سنة 1973

 Bazinga!