كل ما تحتاج معرفته عن ال Database + SQL

ال SQL هى لغة البرمجة اللى بنقدر نتعامل بيها مع البيانات اللى موجودة فى ال Database ، التعامل هنا له أشكال كتير ممكن يكون الحصول على بيانات معينة محتاجها أو عمل cleaning لبيانات أو عمل Relations ما بينهم وبين بعض وهكذا  

فى كام نقطة محتاجك تكون عارفهم من البداية:  

** دى أهم Skill لازم تكون عندك ولا غنى عنها لأى حد شغال فى Data مجال ، ومعظم وقتك هتقضيه فيها بعد كده إن شاء الله

** معظم الانترفيوهات بيكون فيها إمتحان SQL بتحله ، وطبعا كل لما كان مستواك كويس جدا فيها كل لما فرصتك أنك تتقبل هتكون عالية جدا 

** فى ناس بتكون confused فى البداية  ومش عارف الفرق ما بين ال SQL و ال MySQL  ,SQL Server فعلشان كده ده فديو من ال ElZero Web School بيوضح الفرق ده ، ممكن تشوفه من هنا : https://bit.ly/2L8AGcS 

نقول بسم الله ونبدأ بالحاجات اللى شوفتها واتعلمتها: 

أولا : مقدمة عن ال Database ، فى مصادر كتير ممكن تتعلمها بس اللى أنا شوفته واللى برشحهم :

1- كورس مقدمة إلى قواعد البيانات من مهارة تك منصة تابعة ل ITI واللى بتقدمه م/ سلمى ممدوح، الكورس حلو جدا وبداية كويسة لأى حد وكمان هتقدر تأخد شهادة فى الأخر (محتاج تسجل الاول على المنصة وبعدين تدخل على الكورس) ، ده للينك الكورس: http://bit.ly/3akFc0i 

2- فديوهات م. محمد دسوقى ، الفديوهات كويسة جدا جدا وخاصة أن مغطى كل ال Topics اللى محتاج تكون عارفها وجايبها من البداية خالص ، الفديوهات مبنية على كتاب Fundamental of Database System لرامز المصرى ، عيبها الوحيد أنها طويلة وساعدت هتحس أنها مملة شوية لاسف، ممكن تشوف الفديوهات دى من هنا: http://bit.ly/39AyTGE 

3- لو أنت تحب تشوف حاجة بالانجليزى ، الفديوهات بتاعت Caleb Curry من أحسن الحاجات اللى ممكن تشوفها، ممكن تشوف الفديوهات دى من هنا: http://bit.ly/36qeoKQ

Caleb Curry

طبعا لو أنت عاوز تشوف اى مصادر تانية تتعلم منها مفيش مشكلة ، المهم أنها تكون مغطية الأجزاء دى:

• Entity Relationship Model – ERD
• Relational Data Model and Relational Database Constraints
• Mapping ER Model to Relational Model
• Normalization

ثانيا: SQL ، فى الجزء ده أنت محتاج تعمل كذا مع بعض كلهم فى نفس الوقت

1- نبدا نتعلم بقى نكتب SQL Query ، طيب هتيجى تسال المفروض تتعلم MySQL or Postgres or SQL Server ولا ايه بالضبط ؟ 

الصراحة مفيش فرق كبير اوى فى كتابة ال query ما بينهم إلا فى حاجات بسيطة جدا ، انا اختارت أتعلم SQL Server ، وبرشح برضه أنكوا تتعلموها. 

الفديوهات اللى أتفرجت عليها كانت بتاعت م.أحمد سمير وده اللينك الفديوهات دى: http://bit.ly/2L8FO0C  أو فديوهات م. أحمد المحمدى وده للينك الفديوهات بتاعتها : http://bit.ly/3iZO5As ، سواء الفديوهات دى أو اى فديوهات تانية بتشرح SQL Server مفيش مشكلة ، شوف اللى أنت حابه وبتفهم منه. 

2- بالتوازى محتاج تسطب عندك على الجهاز أما SQL Server ، ( ممكن تشوف اى فديو على اليوتيوب إزاى تعمل الخطوة دى) ، وحاول تشتغل عملى مع الشرح هيفرق معاك كتير جدا + كمان ممكن تنزل ال adventure works database أو اى Database تانية وحاول تعمل تشوف Business Requirementعليها بعدها أكتب SQL Query تجاوب بيها على ال Requirement دى. 

** لو معرفتش تعمل الخطوة اللى فاتت ، ممكن تدخل علي DataCamp وتاخد ال SQL Server Track ، الميزة فى DataCamp أنه بيكون عبارة عن فديو شرح وبعدها بيكون Exercise بتحله ويعتبر أشهر المواقع اللى تتقدر تتعلم عليها فى مجال ال Data ، وكمان هتقدر تستفيد بالشهادة بتاعته فى الاخر ،  تقدر تشوف ال Track من هنا: https://bit.ly/3puzdfP 

لو مش عارف ازاى تاخد كورسات من على DataCamp ببلاش ، ممكن تستخدم إيميل الجامعة أو أنك تسجل بالايميل بتاع فى Visual Studio Dev وفى الحالتين هتاخد access لمدة شهرين تقريبا ببلاش وينفع تجددهم كل شوية ، شوف الخطوات اللى محتاج تعملها من هنا  http://bit.ly/3czTBbU

3- أهم خطوة: أدخل على موقع Hacker Rank وحاول تحل فيه على قد ما تقدر ده من أكتر الحاجات اللى هتعلى مستواك وكمان هتلاقى شركات كتير بتاخد أسئلة منه فى الانترفيوهات وكمان هتستفيد أنك تاخد badges وتحطها على LinkedIn هيفرق معاك وهيحسن ال Profile بتاعك ، ممكن تشوف اللينك بتاع المسائل بتاعته من هنا: http://bit.ly/39yLMRV

ثالثا: Intermediate SQL 

1- مجموعة فديوهات من قناة Kudvenkat سواء الفديوهات العربى أو الإنجليزى ، الشرح بتاعها قائم على كتاب Microsoft SQL Server 2012 T-SQL Fundamentals ، الفديوهات دى بتاخدك من مستوى عادى إلى مستوى متقدم وخاصة أنها مغطية حاجات كتير جدا وكلها مهمة تقريبا ، ممكن تشوفها من هنا: http://bit.ly/3trRqgD

ممكن تشوف اى مصادر تانية تتعلم منها فى المرحلة دى ، المهم دى عناوين محتاج أنك تقرأ عنهم وخصوصا لأى حد شغال فى مجال الداتا: 

• Logical Order of Operation in SQL 
• IIF, Case When, Cast, Convert  and Coalesce Functions
• Transaction and ACID
• Temp Tables, Views, CTEs "Common Table Expressions" 
• Grouping Sets, Rollup, Cube, Pivot, Unpivot,...etc. 
• Window Functions: Aggregation, Ranking, and Analytics Functions 
• Types of indexes
• Cross Apply and Outer Apply 
• SQL Jobs
• Concurrent Transactions (Concurrency side effect, Isolation levels) 
• Query Execution Plan

رابعا : Advanced SQL 

1- كورسات جامعة Carnegie Mellon وخاصة أن فى أكتر من كورس يعتبروا  Advanced جدا ، ممكن تشوفهم على موقع الجامعة أو القناة الخاصة بيهم على اليوتيوب : http://bit.ly/36CS80q