كل ما تحتاج معرفته عن ال Python

أشهر لغات البرمجة المستخدمة فى مجال ال Data هماPython + R   ، طبعا فى البداية مش طبيعى أنك تتعلم الاتنين ! ، أنت ممكن تتعلم لغة واحدة وتكون كويس جدا فيها وتقدر تشتغل وتعمل بيها كل حاجة وبعد كده تتعلم الباقى ، أحسن لغة ممكن تتعلمها فى البداية هى Python وده لأسباب كتيرة جدا. 

تعال ندخل فى تفاصيل وممكن نتعلمها منين ؟ 

0 -  لو أنت متعرفش يعنى إيه برمجة ولا أتعلمت أى لغة برمجة قبل كده شوف الفديوهات دى بسيطة جدا وبتعرف الحاجات الاساسية المفروض تعرفها بحيث لما تبدأ تتعلم أى لغة برمجة تكون الدنيا سهلة وكمان فاهم ! وعلشان كده نقدر نقول أن ده المستوى صفر

1-  لو أنت برضه أول مرة تتعلم لغة برمجة ، ممكن تبدأ بأنك تشوف ال Tutorial Python دى من Elzero Web School (من عدا الجزء الخاص ب OOP) أنا برشح ده علشان الشرح بالعربى وبسيط وكويس جدا وده هيسهل عليك الدنيا فى البداية جدا ، لو لقيت الدنيا ماشية معاك كويس أنقل ل Data Camp أو امشى فى الاتنين بالتوازى مع بعض
 
2-  أنا شايف أن DataCamp هو أحسن مكان ممكن تتعلم منه Python أو R ، وعلشان كده دائما برشحوا لأى حد عاوز يدخل مجال الداتا ، فى البداية خالص خلصت التراك ده فى خلال "أسبوعين" with Python Data Analyst Career Track و هما حوالى 16 كورس هياخدوا منك وقت شوية والكورس الواحد تقريبا 4 ساعات ، المهم حاول تحط Plan لنفسك أنك تخلص كورس كل يوم أو اتنين فى الأسبوع على الاقل خالص. 

- لو أنت أصلا عاوز Data Science Track خد الاول Track Data Analyst علشان تحس بالإنجاز وتاخد شهادة بيه وبعدين أشترك فى Data Science Track هتلاقى نفسك مخلص أول 16 كورس وتكمل عادى جدا ! 

 

 - لو مش عارف ازاى تاخد كورسات من على DataCamp ببلاش ، ممكن تستخدم إيميل الجامعة أو أنك تسجل بالايميل بتاع فى Visual Studio Dev وفى الحالتين هتاخد access لمدة شهرين تقريبا ببلاش وينفع تجددهم كل شوية ، شوف الخطوات اللى محتاج تعملها من هنا  http://bit.ly/3czTBbU 

 

طيب لو مش عاوز تتعلم من DataCamp ، شوف أى مكان مناسب ليك المهم أنه يكون بيغطى معظم ال Skills دى:

• Python Programming

• Importing & Cleaning Data with Python

• Data Manipulation with Python

• Data Visualization with Python

• Statistics Fundamentals with Python

أو ممكن تشوف ال Libraries نفسها وتتعملها ، ودى أشهر Libraries بالنسبة ل Python والتقسيمات بتاعتها من Vertabelo Academy ( من عدا الجزء الخاص ب Deployment مش مهم فى البداية و الجزء الخاص ب Data Modeling مهم ل Data Scientist + ML Engineer )

3-  أهم خطوة: أبدا جرب تعمل مشاريع سواء على Kaggle أو DataCamp ، حاول تختار مشاريع بتركز على ال Data Cleaning و ال Data Visualization + Analysis ويفضل تختار حاجات ليها ب Business Application ، الخطوة دى هتفرق معاك جدا لان دى المشاريع اللى هتحطها فى ال CV
 
4- ابدا أتعلم ال Object-Oriented Programming - OOP

-  سواء من الفديوهات الخاصة بال El Zero Web School اللى قولنا عليها فوق أو الفديوهات  من قناة Data Science and Software Engineering

-  فى كورس برضه موجود على DataCamp ممكن تشوفه من هنا مع الفديوهات اللى فوق وخاصة أنك هتطبق فيه وكمان هتشوف طريقة شرح مختلفة لموضوع

** الناس اللى بتحب تذاكر من كتب ، دول أكتر كتابين كنت بقرأ فيهم:
1-   كتاب Python Data Science Handbook
2-   كتاب Python for Data Analysis, 2nd Edition